Slide thumbnail
Slide thumbnail

ບໍລິສັດ ສະຕາໂທລະຄົມ ໄດ້ມອບເງິນຊ່ວຍເຫຼືອຈາກການປະມູນເບີງາມໃຫ້ແກ່ອາສາສະໝັກກູ້ໄພ ນະຄອນຫຼວງ

          ໃນຕອນແລງວັນທີ 21 ມີຖຸນາ 2018 ບໍລິສັດ ສະຕາໂທລະຄົມ ຫຼື (ຢູນີເທວ)  ໄດ້ມອບເງິນຊ່ວຍເຫຼືອຈໍານວນ 12.500.000 ກີບ ໃຫ້ແກ່ອາສາກູ້ໄພ ນະຄອນຫຼວງ ສາຍດ່ວນ 1624 .ເຊິ່ງມູນຄ່າການຊ່ວຍເຫຼືອແມ່ນໄດ້ ມາຈາກກິດຈະກໍາປະມູນເບີງາມໃນ Facebook Unitel lao ໃນຄັ້ງວັນທີ 01/06/2018 ເຊິ່ງຜູ້ຊະນະການປະມູນແມ່ນ ທ່ານ ຄອນສະຫັວນ ສີຫາລາດ ບ້ານ ຈອມມະນິ, ເມືອງໄຊເສດຖາ, ນະຄອນຫຼວງວຽງຈັນ.

           ຕ່າງໜ້າມອບໃນຄັ້ງນີ້ແມ່ນ ທ່ານ ນາງ ລັດສະໝີ ທໍາມະວົງ ຫົວໜ້າພະແນກການຕະຫຼາດ  ບໍລິສັດສະຕາໂທລະຄົມ ແລະ ຕ່າງໜ້າຝ່າຍຮັບ ແມ່ນ ທ່ານ ອ.ຈ ລຳເງິນ ວົງພະຈັນ. ເຊິ່ງຈຸດປະສົງການຈັດການປະມູນເພື່ອໃຫ້ລູກຄ້າໄດ້ມີສ່ວນຮ່ວມ ກັບຢູ່ນີເທວ ປະກອບສ່ວນຊ່ວຍເຫຼືອສັງຄົມຢູນີເທວຂໍສະແດງຄວາມຮູ້ບຸນຄຸນ ແລະ ຂໍກ່າວຄໍາຂອບໃຈຕໍ່ກັບ ທ່ານ ຄອນສະຫັວນ ສີຫາລາດ ທີ່ໄດ້ເຂົ້າປະກອບສ່ວນໃນການປະມູນເບີງາມໃນຄັ້ງນີ້ດ້ວຍ,ຫວັງຢ່າງຍິງໃນກິດຈະກໍາຕໍ່ໜ້າຂອງ ຢູນິເທວເພື່ອຊ່ວຍເຫຼືອສັງຄົມຈະໄດ້ຮັບການຕອບຮັບຂອງລູກຄ້າ ເຂົ້າຮ່ວມຫຼາຍຂຶ້ນ ເພື່ອເປັນການສ້າງສີສັນ ແລະ ແບ່ງປັນນໍ້າໃຈຊ່ວຍເຫຼືອຕອບແທນສັງຄົມ.